麻痺雞 (已結業)

三五知己就去到大埔嘅《麻痹雞》，餐廳位置比較偏僻，但係人流非常多，等左10分鐘就有位了。餐廳裝修撲素，室內嘅位置比較多，如果室內冇位嘅可以坐室外，秋涼嘅天氣坐外面唔會太熱。最後揀咗有優惠價嘅任飲任食正宗重慶雞煲「麻痹雞煲」套餐，＄200都唔使就有超過60款嘅火鍋配料選擇，超級抵食。醬料方面更有三四款自由選擇，當然有我最鍾意嘅「香蔥粒」同埋「辣椒絲」。招牌嘅「麻痹雞煲」遠處聞到好香嘅滋味味道，驟眼望雞煲配料非常多，有洋蔥、芫荽等等，非常香。雞嘅質感非常鮮嫩，咬落去肉質都滲透晒出嚟，質感林，而且非常入味。另外我哋加左＄68叫咗例牌嘅「手切安格斯肥牛」，食落去肉質一啲都唔鞋，而且好爽口，新鮮牛肉味點埋辣椒豉油更為滋味。配料當然有我最鐘意嘅「炸響鈴」，只需要灼三秒，食落去好香脆可口。飲品方面係自助形式，雪櫃林林總總嘅飲品整齊排列，如果鍾意飲啤酒嘅朋友每一位只係加＄15就任飲，好抵飲。最後我哋再encore左一隻雞，食過咁多雞煲最好食都係呢間，所以下次會再帶多啲朋友一齊食咁美味滋味嘅雞煲。