牛大人台灣火鍋吃到飽 (加拿芬廣場)

营业中

休息中

很久沒打邊爐了！所以去咗拜訪牛大人尖沙咀分店。朋友話佢上年12月食過呢間60分鐘一人一鍋，但略嫌時間倉猝；於是1月又嚟食90分鐘二人一鍋，食過返尋味；然後今次2月就同我食。食完我就終於明白點解佢係咁encore😋首先90分鐘定時午餐有唔同嘅plan 💁🏻‍♀️我同朋友係食$198嘅極上和牛吃到飽餐，主打食安格斯特選牛板腱同澳洲和牛M5牛肩卷，兩款嘅牛味都好香濃🤤🤤湯底有好多選擇，例如麻辣鍋、紅燒牛骨鍋、台灣鳳梨雞鍋、養生素鍋等等。我哋揀咗鴛鴦鍋：香濃牛乳起司鍋+阿嬤養生濃湯鍋，一次過滿足晒兩個願望✌🏻揀好湯底，就可以分頭行事！朋友就Scan張單上嘅QR code落單，例如頭先所講嘅牛，同埋其他配料如真味牛肉漿、澎湖花枝漿、手打旗魚漿、蟹子墨汁漿、章魚珍珠漿，即係首圖邊爐隔離嗰啲滑，好真材實料！另外，台式蛋餃、燕餃都比較罕見，好值得一試👍🏻我就出去拎醬油、飲品。佢個醬油系列有好多選擇，比較特別嘅有腐乳醬、沙茶醬、特調豬肉醬、烏醋等等。飲品同樣五花八門，我最欣賞係佢每支茶都有原個茶包，我試咗白桃烏龍，又真係有桃香味㗎喎🤗另外，每檯都會有個大碗比客人出去裝火鍋配料，非常環保！而出到去夾嘢食都係