影片
更多
2018-12-31
34 浏览
呢排天氣咁凍， 要令自己暖笠笠， 除咗係收埋自己喺被竇之外， 最好嘅方法就梗係約班朋友出去打過熱辣辣嘅邊爐啦。呢間位於尖沙咀嘅《禾牛薈火鍋館》，出咗名食物高質素。 打邊爐除咗最重要係個爐之外， 當然就梗係食材啦， 呢度嘅食材除咗新鮮之外， 款式亦都相當特別， 當中有唔少嘅火鍋配料都係呢度特有嘅。 除咗火鍋美食之外， 呢度仲有各款餐前小吃同埋刺身， 食物可謂相當多元化。先講下火鍋湯底， 白色嘅係『健脾養顏椰子雞湯』， 而紅色嘅就係『台式麻辣鍋』啦。 台式麻辣鍋用咗花椒八角等香料，食落既麻且辣。 椰子雞湯底就用咗大量椰子， 椰子嘅香甜滲入湯入面， 又香甜又滋潤, 而且裏面嘅雞件同樣地嫩滑。 喺打邊爐之前呷一口湯， 真係令人非常滿足。禾牛薈嘅招牌菜有呢一樣『老友鬼鬼』， 將蝦膠釀入油炸鬼之中， 再攞去炸至金黃色， 食物非常之香口。 用嚟送下啤酒就最適合不過。另一款一定要嗌嘅招牌火鍋配料就係『 松葉蟹黃包』。 呢一個松葉蟹皇包就好似蟹粉小籠包一樣， 不過就係用嚟打邊爐而唔係蒸。 松葉蟹黃包皮薄餡靚， 一咬開金黃色嘅蟹粉爆出， 味道甘香， 而松葉蟹肉一梳梳， 味道甜美。火鍋配料『藥膳酒香雞』用咗
呢間位於尖沙咀嘅《禾牛薈火鍋館》，出咗名食物高質素。 打邊爐除咗最重要係個爐之外， 當然就梗係食材啦， 呢度嘅食材除咗新鮮之外， 款式亦都相當特別， 當中有唔少嘅火鍋配料都係呢度特有嘅。 除咗火鍋美食之外， 呢度仲有各款餐前小吃同埋刺身， 食物可謂相當多元化。
先講下火鍋湯底， 白色嘅係『健脾養顏椰子雞湯』， 而紅色嘅就係『台式麻辣鍋』啦。 台式麻辣鍋用咗花椒八角等香料，食落既麻且辣。 椰子雞湯底就用咗大量椰子， 椰子嘅香甜滲入湯入面， 又香甜又滋潤, 而且裏面嘅雞件同樣地嫩滑。 喺打邊爐之前呷一口湯， 真係令人非常滿足。
禾牛薈嘅招牌菜有呢一樣『老友鬼鬼』， 將蝦膠釀入油炸鬼之中， 再攞去炸至金黃色， 食物非常之香口。 用嚟送下啤酒就最適合不過。
另一款一定要嗌嘅招牌火鍋配料就係『 松葉蟹黃包』。 呢一個松葉蟹皇包就好似蟹粉小籠包一樣， 不過就係用嚟打邊爐而唔係蒸。 松葉蟹黃包皮薄餡靚， 一咬開金黃色嘅蟹粉爆出， 味道甘香， 而松葉蟹肉一梳梳， 味道甜美。
火鍋配料『藥膳酒香雞』用咗花雕酒以及少許藥材浸， 酒香滲入雞件入面， 雞肉非常嫩滑， 而且雞味香濃。
另外『竹笙露筍卷』都係一定要推介， 竹笙爽口， 而且吸收咗湯汁嘅精華， 非常入味。 蘆筍非常之幼嫩，既冇揸，亦清甜。
『精選三色餃』， 裏面有鮮蝦雲吞、 韮菜餃、 以及義式牛肉餃。 鮮蝦雲吞豬肉彈牙， 蝦肉爽口。 韭菜餃韭味濃郁。 而意式牛肉餃就最特別， 食落有點肉醬意粉feel。
至於呢度嘅牛當然都非常出色啦， 我哋叫咗『本地招牌手切肥牛』， 肥牛色澤通紅， 非常新鮮。 而且牛味特別濃郁， 記得淥一淥就要好食， 否則牛肉就會過熟。 我覺得唔成熟帶點粉嫩就最正， 食落夠juicy多汁， 牛美又可以保存。
食完之後仲有飯後甜品， 牛奶布丁同椰汁糕添。 牛奶布甸選用咗360牛奶， 香滑又香甜。 椰汁糕就採用咗椰青水， 感覺非常清新。
呢度嘅食物每樣都令人非常滿意， 難怪吸引到咁多人嚟幫襯， 大家來之前記得要訂位呀。
张贴
