影片
更多
2019-06-21
741 浏览
去酒店唔一定食buffet嘅，hot pot都得架！今日同M佬嚟到旺角薈賢居嘅Canton Pot，試一試酒店質素嘅打邊爐啦！十二款汁醬無限供應，除咗常見嘅蔥花、花生醬、潮州辣椒油、沙嗲醬、蒜蓉、金蒜粒、指天椒同日式胡麻醬之外，最驚喜係有廖孖記腐乳皇同佢哋自家製嘅麻辣醬。一於製造一個A姐嘅Special醬啦。松露百靈菇野菌湯呢度嘅湯底都有唔少選擇，今日就揀咗松露百靈菇野菌湯，湯底充滿淡淡嘅香菇清香，簡單得嚟食得出每樣食物嘅原味道。雜肉拼盤拼盤有齊澳洲手切M5級和牛肉眼、黑豚肉、雪花羊肉片。當中澳洲手切M5級和牛肉眼嘅油脂分佈啱啱好，肉味香濃；而黑豚肉肉質軟腍，唔會死實實；而雪花羊肉片入口嫩，唔會太羶，夠晒鮮嫩。巴西牛舌牛舌係我哋嘅大愛，輕輕滾熟就食得，牛舌爽口彈牙，牛味香濃。而份量超多，我哋2個人食好滿足。竹笙菠菜野菌餃皮夠晒薄，入面裝滿豐富嘅餡料，有竹笙、大量野菌同菠菜，口感一流，好有層次。皇帝菜皇帝菜平時比較少食，除咗打邊爐。新鮮就不在話下，配上清香嘅松露百靈菇野菌湯，絕對係大大提升。楊枝甘露水滴、紅豆抹茶 360 牛乳布甸食完打邊爐，成身興烚烚，最啱就係食甜品，楊枝甘露配上柚子蒟
十二款汁醬無限供應，除咗常見嘅蔥花、花生醬、潮州辣椒油、沙嗲醬、蒜蓉、金蒜粒、指天椒同日式胡麻醬之外，最驚喜係有廖孖記腐乳皇同佢哋自家製嘅麻辣醬。一於製造一個A姐嘅Special醬啦。
松露百靈菇野菌湯
呢度嘅湯底都有唔少選擇，今日就揀咗松露百靈菇野菌湯，湯底充滿淡淡嘅香菇清香，簡單得嚟食得出每樣食物嘅原味道。
雜肉拼盤
拼盤有齊澳洲手切M5級和牛肉眼、黑豚肉、雪花羊肉片。當中澳洲手切M5級和牛肉眼嘅油脂分佈啱啱好，肉味香濃；而黑豚肉肉質軟腍，唔會死實實；而雪花羊肉片入口嫩，唔會太羶，夠晒鮮嫩。
巴西牛舌
牛舌係我哋嘅大愛，輕輕滾熟就食得，牛舌爽口彈牙，牛味香濃。而份量超多，我哋2個人食好滿足。
竹笙菠菜野菌餃
皮夠晒薄，入面裝滿豐富嘅餡料，有竹笙、大量野菌同菠菜，口感一流，好有層次。
皇帝菜
皇帝菜平時比較少食，除咗打邊爐。新鮮就不在話下，配上清香嘅松露百靈菇野菌湯，絕對係大大提升。
楊枝甘露水滴、紅豆抹茶 360 牛乳布甸
食完打邊爐，成身興烚烚，最啱就係食甜品，楊枝甘露配上柚子蒟蒻波波，好refresh呀！而紅豆抹茶 360 牛乳布甸，奶香味十足，同抹茶濃香好match！
张贴
