校長燒肉日韓料理 (大埔廣場)

营业中

休息中

前菜方面我哋拎咗中華沙律🥗 一絲絲營養豐富又美味😋 味付螺肉香濃鮮美，涼拌木耳口感爽彈，調味一流👍🏻👍🏻 藍青口鮮甜味美，肉質嫩滑可口👅 加賀揚，即係日式炸魚蛋，外皮酥脆內裏彈牙🦷我哋個套餐包埋火鍋🍲 火鍋方面有三個湯底，分別係日式清湯、豬骨湯同埋壽喜燒湯。另外估唔到細細個火鍋仔都有得鴛鴦鍋！咁我哋就揀咗一邊豬骨湯一邊壽喜燒湯🤗 肥牛片同豬腩片油脂分佈比例平均，肉質滑嫩。燒肉方面我哋燒咗韓式雞軟骨粒，粒粒都大大舊，辣辣哋好有風味👍🏻 另外土匪雞中翼都好入味，燒至金黃色嘅外皮香脆可口，肉質嫩滑帶油香🤤 特別推薦呢個大蒜🧄牛肉片俾大家，牛肉冇根，厚薄適中，惹味到極，好出色😋❤️