米子燒肉家

营业中

休息中

聖誕臨近，約朋友響佢屋企附近食飯，今晚就食佢話經常光顧嘅［米子燒肉家］，呢間位處大圍美林邨熟食亭內嘅美食，除咗街坊，聽到都有好多跨區都食客，估計質素應該幾好！叫咗個養生健康嘅藥膳雞㷛，有肥瘦適中的半隻雞件，雞肉嫩滑，配上黨參、當歸、准山、杞子、桂圓、紅棗、川穹和時菜作配料，有濃香的中藥材味道，湯底滋潤暖胃易入口😍呢度提供多款醬料，包括祕製醬油、鹽和辣醬，令肉更惹味，店員推介澳洲和美國的燒肉盛合定食，兩款牛肉食落肉味香濃而油花也恰到好處，淡淡牛肉香留在口腔😋澳洲牛肉燒一燒就軟身，加些鹽再配些醬油，非常彈牙惹味，美國牛肉就越燒越軟冧，兩者整體上啲肉質吾錯，牛脂平均分佈，份量挺多，加少少醬料或鹽，已非常嫩滑💯另外提供免費自助凍熱玄米茶和普洱茶解油膩，又有足料紫米糖水任食，加分👍🏻餐廳環境吾侷促，坐得都舒服，呢間食肆雖然隱藏在屋邨，但係絕對值得再嚟💕