影片
更多
2018-10-20
1252 浏览
近排天氣開始轉涼，又是時候吃火鍋了。記得上一次同班老友叙舊時，席間有人提起將軍澳有間火鍋店，由湯底以至食材都好有水準，而且仲會用生鐵鑊去打邊爐，非常之有驚喜，提議我有時間去試下。由於近排時不時會過去新屋睇裝修，所以都多咗嚟將軍澳搵食。既然友人有好介紹，就一於趁 Happy Friday 同小鬼嚟撐檯腳！餐廳位於唐賢街帝景灣商場 1 樓，由於對呢區唔熟，初頭仲以為會好難搵，幸好店舖離將軍澳站都唔算太遠，由 B 出口轉左，過馬路見到「天晉」一直向前行，過咗第二個路口，見到帝景灣商場轉左，行入去上電梯就會見到間餐廳，交通尚算方便。原來店內地方頗大，裝潢以白色為主調，用餐區擺放了多張六至八人檯，左邊靠牆設有三張四人卡座，而右手邊泊牆就放置了一張黑色的長沙發，環境寬敞鬆動，加上門口嘅落地大玻璃，感覺分外開揚。安頓後，先拿起餐牌細閱，食物選項果然好豐富，單係湯底就已經有成 10 款，另外仲有火鍋配料、火鍋滑類、手工盤四寶、火鍋飯麵類、餃類、火鍋什薈、手打丸類、醬爆手打丸類、火鍋海產類、牛肉類、小食推介、田園時蔬、特飲類、飲品及啤酒類，選擇一應俱全。其實嚟之前已經睇過網上食評，覺得個黃金雞湯非常吸引
餐廳位於唐賢街帝景灣商場 1 樓，由於對呢區唔熟，初頭仲以為會好難搵，幸好店舖離將軍澳站都唔算太遠，由 B 出口轉左，過馬路見到「天晉」一直向前行，過咗第二個路口，見到帝景灣商場轉左，行入去上電梯就會見到間餐廳，交通尚算方便。
原來店內地方頗大，裝潢以白色為主調，用餐區擺放了多張六至八人檯，左邊靠牆設有三張四人卡座，而右手邊泊牆就放置了一張黑色的長沙發，環境寬敞鬆動，加上門口嘅落地大玻璃，感覺分外開揚。
安頓後，先拿起餐牌細閱，食物選項果然好豐富，單係湯底就已經有成 10 款，另外仲有火鍋配料、火鍋滑類、手工盤四寶、火鍋飯麵類、餃類、火鍋什薈、手打丸類、醬爆手打丸類、火鍋海產類、牛肉類、小食推介、田園時蔬、特飲類、飲品及啤酒類，選擇一應俱全。其實嚟之前已經睇過網上食評，覺得個黃金雞湯非常吸引，除咗有鮮雞件外，仲有花膠、蟲草花同淮山，既滋補又養顏，所以坐低後亦二話不說即時點咗呢款湯底，另外再加咗幾款火鍋料。
點完火鍋同配料後，接著就輪到「混醬」時間，醬料 (每位 $15) 用九宮格木盤盛載，共有 9 款，包括有麻醬、蔥花、芫茜、炸蒜粒、生蒜蓉、紅辣椒、指天椒、XO 醬、沙茶醬等，喜愛邊款，大可自由組合。
好，馬上開餐。先介紹下個黃金雞湯 ($198/半隻)，呢個湯底同平時打邊爐見慣嘅 雞湯底好唔同，店員會先喺客人面前炒香材料，然後再加入雞湯滾熱，客人可以先飲啖靚湯，再用鑊內嘅湯底打邊爐。
至於火鍋配料方面，貴精不貴多，只點了四款，有小鬼至愛的極上肥牛、我至 like 的脆鯇片、即炸響鈴和鮮冬菇。極上肥牛 ($248/大) 先送上，賣相非常討好，片片都切得甚工整、厚薄一致，而且擺放得很有心思。立即放一片入熱騰騰的湯鍋內輕涮，再挾起一試，果然有料到，肥牛咬下腍滑肥美、肉味馥郁，而且食落夠曬鬆化，口感相當不錯。
接著輪到吃我點的脆鯇片 ($68)，脆肉鯇以一隻扇形嘅碟盛上，片片都切得厚薄均勻，而且味道非常鮮美，入口新鮮唔腥，就算一路淥都唔易散、久煮不爛，既清爽又有嚼勁。
另外仲有即炸響鈴 ($58) 同鮮冬菇 ($38)，響鈴係餐廳自家製，新鮮即炸，入口香脆鬆化，放在湯鍋內輕輕一浸，響鈴吸滿湯汁後，咬下還隱約吃到腐竹香。鮮冬菇色澤亮麗，厚身又大隻，食落爽口有菇香，絕對是打邊爐之選！這晚點的火鍋配料，款式雖然不多，但整體來說，由湯底以至用料，都令人非常滿意，下次有時間會再來試下其他湯底。
张贴
