影片
更多
2014-03-15
2510 浏览
3月都仍然乍暖還寒, 襯還有點點寒意食多次雞煲打邊爐, 於是3人行到寶寶一試!!友人前一天已訂檯, 並說是訂了下層, 我先到達寶寶, 但職員說我們是訂了上層, 不過都好好禮貌說不好意思, 可能聽錯! 但下層只剩下門口位, 最後決定上上層。上去後就明白友人揀下層的原因, 除了要行樓梯之外, 上層的樓底較矮, 天生高人一等的朋友就要小心橫樑喇!這裡的雞煲都有幾多款式, 招牌香辣, 古方麻辣, 滋補醉雞等等...初黎報到, 試下招牌香辣先, 半隻雞, 少辣HK$88。不知道是否平時食的雞煲都是超香的關係, 覺得寶寶的雞煲少了一份香濃呢? 而且被湯浸著, 有少少家常燜雞的感覺!當然味道才是最重要的一環, 可惜同樣地覺得不夠香口, 不夠惹味...但雞件都算幾嫩滑, 好似有少少藥膳味道。如果不太喜歡太濃味及辣味重的雞煲, 相信寶寶雞煲會合你口味! 食完雞就加湯打邊爐, 因這裡的雞煲不算是濃郁, 奉勸大家加湯時不要加太多, 要不是就會很啖喇! 雖然雞煲未算好滿意, 但反而火鍋材料有驚喜, 火鍋料算多選擇, 有些名都幾特別, e.g. 豬天梯, 人頭*豬腦, 忘不了魚皮餃...! 最好的是大部份都有
這裡的雞煲都有幾多款式, 招牌香辣, 古方麻辣, 滋補醉雞等等...初黎報到, 試下招牌香辣先, 半隻雞, 少辣HK$88。不知道是否平時食的雞煲都是超香的關係, 覺得寶寶的雞煲少了一份香濃呢? 而且被湯浸著, 有少少家常燜雞的感覺!
當然味道才是最重要的一環, 可惜同樣地覺得不夠香口, 不夠惹味...但雞件都算幾嫩滑, 好似有少少藥膳味道。如果不太喜歡太濃味及辣味重的雞煲, 相信寶寶雞煲會合你口味!
食完雞就加湯打邊爐, 因這裡的雞煲不算是濃郁, 奉勸大家加湯時不要加太多, 要不是就會很啖喇! 雖然雞煲未算好滿意, 但反而火鍋材料有驚喜, 火鍋料算多選擇, 有些名都幾特別, e.g. 豬天梯, 人頭*豬腦, 忘不了魚皮餃...! 最好的是大部份都有設有半份, 變相就可以試更多不同的火鍋料喇! 而且材料種類都分得幾細, 今次竟然會捨肥牛, 棄豬頸肉, 留quota叫其他想試的!左起: 牛骨髓 HK$28 (不設半份) - 好多時出去食牛骨髓沒有什麼味道, 但這裡有牛味的!
右上: 自制墨魚丸 '半份' HK$26 (一份HK$50) - 半份有4大粒, 肯定是手打!墨魚味超出, 彈牙! 好好味!
右下: 正宗鮮獅頭鵝腸 HK$50 (不設半份) - 已經有一段時間無用新鮮鵝腸打邊爐, 坊間好多都是冰鮮, 啤過水的...我寧願不叫...鵝腸都是新鮮帶肥才是打邊爐的好朋友!!不過都縮得幾快, 要快快手!
左: 竹笙(養殖) '半份' HK$16 (一份HK$30) - 正正常常, 沒有什麼特別右: 豬仔大腸 HK$35 (不設半份) - 好正! 軟身的, 滾得耐都不會變得難咬~
左: 忘不了魚皮餃 '半份' HK$16 (一份HK$30) - 上檯有陣陣魚腥味, 多數即日包的才會有這樣的效果, 果然味道很不錯!右: 手打蝦丸 '一份' HK$68 (半份HK$34) - ORDER紙上面寫明<必食>, 所以叫了一份! 彈牙不在講, 超爽口!!! 蝦味十足, 不知道每粒蝦丸用了幾多隻蝦呢?
左: 唐生菜 '一份' HK$28 (半份HK$15) - 有少少摘得未夠乾淨, 普通右: 黃沙雞肝 HK$35 (不設半份) - 我不吃的, 友人說普通之作, 沒特別! 但份量算多!
左: 韮菜餃 '半份' HK$16 (一份HK$32) - 本身無諗住叫, 見到隔離檯有, 個樣幾OK就試試半份! 有4隻, 的確不錯, 新鮮包的, 脹卜卜!右: 酥炸魚皮 HK$28 (不設半份) - 眼見都幾多人叫! 份量都算多, 個人比較鍾意薄些, 所以覺得未夠薄, 但勝在沒油'益'味, 浸完湯即起都仲脆口!
總括而言, 雞煲未算到家, 可以更好! 反而火鍋材料好新鮮, 是值得一讚的有心之作! 而且酒類都算多選擇! 如再開分店我會提議叫"寶寶火鍋" , 感覺上比較貼題吧!
题外话/补充资料：
侍應們都幾快手, 友人order了王老吉, 忘了說要不凍的, 所以待上檯後才要求換罐不凍, 侍應都以微笑回應, 就算要上上落落都好快換給友人呢!:)
(以上食记乃用户个人意见 , 并不代表OpenRice之观点。)
张贴
