阿四快餐

唔賭唔知時運高！明明茶餐廳格局，晚市居然做「$148加一，」火鍋放題？？OpenRice 食評亦零記載！等我嚟！

店內typical茶餐廳設計，不過張枱裝左電磁爐，亦有一個好大 VIP 房！有 TVB 及 NOW TV 直播！汽水啤酒任飮！

椰子雞湯底：居然半隻生雞上！份量十十足！椰子湯底較清，微甜！不過粟米有少少問題！個芯有少少爛！

火鍋配料：選擇多，居然有花甲，青口，帆立貝，蝦！肥牛亦正常，蔬菜亦多！仲有出前一丁！

總結：追求性價比的食家不妨一試！