湊湊火鍋‧茶憩 (MOKO新世紀廣場)

营业中

休息中

今日去咗旺角新世紀廣場shopping，喺大型商場想搵個地方買杯嘢飲🥤真係有啲困難，咁啱見到有一間火鍋店出面竟然有珍珠奶茶賣，咁就去睇下有啲乜嘢東東啦呢個名叫「湊湊」嘅火鍋店🍲，破格竟然喺出邊有個檔口專係賣珍珠奶茶嘅，咁特別梗係要試下啦。點咗佢杯🥤~大紅袍珍珠奶茶~🥤係佢店嘅招牌特飲。一般嘅珍珠奶茶都會用啲普通嘅茶膽，但係竟然佢會用功夫茶茶底嚟做茶膽，飲開茶都知大紅袍屬於中國頂級嘅茶葉之一，佢個獨特茶香味係其他茶葉不能比及的，入口甘香，唔會苦澀，加上佢個奶味完全無蓋過呢個獨特嘅茶香味，而且配搭得非常之好，值得一讚珍珠彈牙爽口，唔會好粉，咬落去好有口感，店主仲好支持環保，包裝都係用紙杯嘅。估唔到商場入面都有一間咁創新嘅珍珠奶茶店，有驚喜，解渴之餘仲可以飲到咁特別嘅嘢飲，而且價錢實惠廿幾蚊埋單，物有所值。