海鍋手工涮涮鍋 (已結業)

由於公公70大壽，阿媽就Book咗呢間私房菜。我最早到，一開始以為自己行錯地方，因為呢度似係打邊爐多啲，但職員同我講呢度有得打邊爐都有得食私房菜。我問阿媽點解今次要揀呢間私房菜而唔去酒樓食，阿媽居然講話酒樓食好悶架，呢間啲菜式特別啲啊嘛。估唔到宜家啲長輩都追求新潮啦。等咗一陣人齊就開始食嘢啦， 蝦球煎薯餅香脆可口，蒸龍躉肉質滑嫩，鮑魚扣豬手都煮的好好，豬手軟熟彈牙，鮑魚鮮甜。大家都讚不絕口嘅餸係金華玉樹雞，火腿嘅鹹香搭配白切雞嘅滑嫩口感，一齊食真係好夾。食酒樓啲餸好快上齊，呢間就係一樣一樣上，好似食緊西餐咁。咁樣可以保持到食物嘅溫度，食到最佳嘅口感，我特別欣賞呢一點。