影片
更多
2019-05-27
85 浏览
餐廳：倫哥尚品火鍋私房菜 (觀塘)地址：觀塘創業街13號萬泰利廣場地舖作為一個觀塘友，識得係觀塘搵食緊係無可厚非，尤其我係好鍾意捐窿捐罅咁去搵好嘢食，而今次我所去到嘅餐廳就係觀塘海濱附近，非常方便，而且呢間火鍋私房菜喺觀塘區都係略有名氣，好多時都會訂滿座，所以觀塘友嘅我們的更加要去試吓啦。嚐鮮十二式$323連埋加一就可以食到高質食物，唔單止有雞煲食，仲有鮑魚、火鍋、刺身同埋海鮮等，雞煲、海鮮同一部份配料仲可以無限添加，未到追加就已經可以食得飽飽，包你滿足。雞煲嘅辣道可以按個人喜好選擇，我哋就揀咗BB辣，加上香蔥同洋蔥等配菜爆香後令雞件更加有味道，不過個人就唔太鍾意食雞皮，鍾意食雞皮嘅就開心喇，因為都有幾多係雞翼、雞槌嘅位置。鮑魚同花膠都非常彈牙，非常入味，雖然細細舊，但係都食到佢地嘅鮮味，唔會痴牙或者好難咬開。刺身拼盤有五款刺身，刺身非常新鮮，兩款魚類紋理分明，甜蝦無蝦腸無腥臭味，保質得好好👍🏾，嘴叼嘅朋友都大讚高質素。環遊海鮮盤無劃一嘅海鮮配料，每日都有六至九款時令海鮮，今日咁岩有蝦蟹坐鎮，仲有龍躉添，蟹殼放入火鍋湯底到煮令火鍋湯底更加鮮味，蟹殼仲連帶蟹膏可以好好品嚐，幾款魚肉放入鍋
地址：觀塘創業街13號萬泰利廣場地舖
作為一個觀塘友，識得係觀塘搵食緊係無可厚非，尤其我係好鍾意捐窿捐罅咁去搵好嘢食，而今次我所去到嘅餐廳就係觀塘海濱附近，非常方便，而且呢間火鍋私房菜喺觀塘區都係略有名氣，好多時都會訂滿座，所以觀塘友嘅我們的更加要去試吓啦。
嚐鮮十二式$323連埋加一就可以食到高質食物，唔單止有雞煲食，仲有鮑魚、火鍋、刺身同埋海鮮等，雞煲、海鮮同一部份配料仲可以無限添加，未到追加就已經可以食得飽飽，包你滿足。
雞煲嘅辣道可以按個人喜好選擇，我哋就揀咗BB辣，加上香蔥同洋蔥等配菜爆香後令雞件更加有味道，不過個人就唔太鍾意食雞皮，鍾意食雞皮嘅就開心喇，因為都有幾多係雞翼、雞槌嘅位置。
鮑魚同花膠都非常彈牙，非常入味，雖然細細舊，但係都食到佢地嘅鮮味，唔會痴牙或者好難咬開。
刺身拼盤有五款刺身，刺身非常新鮮，兩款魚類紋理分明，甜蝦無蝦腸無腥臭味，保質得好好👍🏾，嘴叼嘅朋友都大讚高質素。
環遊海鮮盤無劃一嘅海鮮配料，每日都有六至九款時令海鮮，今日咁岩有蝦蟹坐鎮，仲有龍躉添，蟹殼放入火鍋湯底到煮令火鍋湯底更加鮮味，蟹殼仲連帶蟹膏可以好好品嚐，幾款魚肉放入鍋中一至兩分鐘就可以食，魚肉嫩口唔多骨，啱晒鍾意食魚又怕麻煩嘅我。
除咗以上菜色，仲有墨魚滑、鮮蝦滑、牛頸脊、響鈴、魚皮、午餐肉、各款蔬菜，包你食到飽飽離開，仲有唔同飲品同埋檸檬薏米水任飲~
因為呢間火鍋私房菜經常爆滿，想食嘅話就盡早預約留位喇。
张贴
