同撈同煲

营业中

休息中

九龍城最出名就係打邊爐，咁多人食飯又咁難得，當然要搵返間好野黎食啦。佢地最鍾意試新野，聽聞附近開左間新餐廳，就一於黎試下。呢度裝修已經夠晒特色，係富有懷舊特色的餐廳，令人勾起好多童年既回憶，相信而家既細路係唔會再接觸到。打邊爐當然最緊要湯底啦，我地叫左冬甫美人鍋，外表都夠靚，食指大動，湯料就係冬瓜，夠去濕又有營養，另外仲有主角既雞，顏色靚，肉質爽嫩，未打邊爐前已經要飲幾啖雞湯先，唔會肥，味道鮮甜，用黎做湯底簡直一流。不得不提仲有極級封門柳, 雪花紋理鮮明，相當新鮮紅潤，非常鮮甜牛肉味，肥瘦適中，襯上雞湯底就真係一絕，說得上是最適合打邊爐的部位。跟手就係加拿大既象拔蚌，新開張期間只係二百幾，師傅刀工好不在話下，刺身咁食超鮮甜，又夠晒薄口感一流，非常抵食。仲可以放落雞湯度剝兩剝，吸收埋雞既精華又另一種鮮味。仲有係即炸響鈴，響鈴酥炸起黎熱辣辣，食落非常趣卜卜，入口即溶，係新鮮炸先有既風味，正呀。最後就係脆肉鯇骨腩，非常岩打邊爐既配料，因為容易吸收雞湯底精華之外，新鮮肉質脆口，口感一流，不得不食。