龍閣極上火鍋料理 (已結業)

去到黃埔區食火鍋，火鍋食材優惠都幾多，所以就算食海鮮，點多啲都唔怕。挑選左牛骨湯底後，湯底真材實料，有好多連肉帶骨嘅豬骨慢慢滾出味。同時，都叫左兩隻燒乳鴿醫醫肚，肉汁好豐富，而且脆卜卜，好好食。首先有牛肉拚盤，手切肥牛肉入口即溶、牛粒選料夠優質，牛肉香味甚濃; 而牛脷口感爽勁，而且三者價錢好優惠，真係抵食。而鱔片爽脆，都食到海鮮嘅鮮味。蟶子無雜質，潔淨又口感爽口，火鍋食呢類新鮮材料就最啱。花枝片色澤白析，係湯中滾大約一分鐘，亦食到新鮮花枝薄而爽口嘅口感。