火車頭越南餐室 (朗豪坊)

营业中

休息中

火车头在港一段时间，有人话贵，又有人话麻麻地，不过都在旺角开了分店，都算打紧出名堂啦。咁我当然要试一试，揾埋多个有食力的朋友，食餐晚餐先。因为曾经系普度大学读过书，大学最出名就系制造蒸气火车头，所以对「火车头」呢三个字特别有情意结。首先几钟意佢𠮶个menu，有介绍火车头小小历史，原来系有一个小贩喺火车站月台买牛肉粉香到而且卖到街知巷闻，所以就有火车头之名。睇完历史，当然要试下咪即系咁香咁好食啦。 今次就嗌咗一个牛油果软壳蟹纸米冻卷、砵酒牛柳粒、马拉盏炒菜，仲有佢哋推介火车头招牌汤河和再加个沙律捞檬。饮品方面就嗌咗冻芦荟柚子茶，味道唔太甜啱啱好。仲有一个河内特色蛋咖啡， 卖相独特有趣，咖啡就香嘅，不过层蛋，即系层cream呢就比较甜啲啰，咁所以记得要搅匀啲先好饮。火车头招牌汤河，香唔香呢？可能得一碗，又未香到全场都闻到。其实真系一个大杂烩，所有牛有关的都有晒，好食而且好多牛呀！咁亦都可以见到有好爽好爽嘅牛柏叶。 汤底清呀，唔太咸喇，所以食完都唔会口渴。另外，马拉盏炒菜呢就有少少辣嘅 炒得好惹味。有水准。杯酒牛柳粒啲牛柳粒绝对抵食，粒粒都好大粒，有咬口。(如果有去过台湾夜市食𠮶啲火枪烧牛肉