火舞町 (已結業)

我地先食呢個薄燒既美國安格斯，牛肉肉質軟嫩，腍身有肉汁，鮮味可口，加埋蔥蒜，更加香更加入味，好食，正正子！另外食佐芝士玉子燒，玉子燒滑嫩多汁，岩岩熟既煎多睇到清楚既層次，每層之間仲有拉絲既芝士，芝味香濃，最表層既蛋皮仲可以煎到香脆，好食到無朋友呀！最後仲食兩款鐵板燒，分別係蟶子同澳洲龍蝦尾，蟶子夠晒大隻，一隻都夠兩個人食，蟶子肉燒完都仲好爽彈，好有口感，又鮮味，加埋香蔥蒜片一齊燒，更香呀！另外龍蝦尾份量都多，粒粒都大大舊，好彈牙，好鮮甜，超級好味道！