麻辣風雲 (已結業)

今日同同事一齊食飯佢話要帶我去食好西，原來佢係想帶我去呢間我一直好想食嘅麻辣風雲。一坐落去佢就已經好熟悉嘅名嗌咗一碟水煮魚同埋一份火辣魷魚鬚。首先講吓魷魚鬚先啦，我平時自己好少食㗎因為我覺得煮得唔好就真係入唔到口的。依碟魷魚鬚用咗唔同配料去一齊爆炒，魷魚鬚仲係非常鮮甜煙煙韌韌好有咬口！重頭戲就係我哋嘅水煮魚啦，呢份水煮魚唔使$300竟然有咁大碟，都唔可以用碟來形容佢應該要用兜。呢兜水煮魚分量十足㗎，最緊要嘅係佢啲肉厚薄分明，唔會有骨刺，食得安心又放心。