影片
更多
2022-07-18
212 浏览
繼續在三十幾度的高溫下享受火鍋樂趣！開恆冷氣，啪罐可樂，咁樣烚下烚下，不知幾爽皮！又再揀Canton Pot，都係貪佢有房，食得更自在。六條友，可以開兩個鍋。一個素既菇菌湯底，另一款係火焰龍蝦膏蟹煲，我毫無疑問會向後者進攻。再講多些少火焰龍蝦膏蟹煲，看見『火焰』二字，便可知道又是加入玫瑰露所帶出來的視覺享受。蟹真的多羔，龍蝦肉鮮美，再加上番茄、洋蔥及西芹等等，用料上乘，湯底自然好。打邊爐最緊要當然係牛，三款牛拼湊出來的『牛一快樂』，像是為我慶祝生日一樣。A5的鹿兒島薩摩和牛，美國及本地牛頸脊都很有質素。以打邊邊來說，個人一直認為牛頸脊是最合適的。事實上，帶點咬口，肉味濃香的本地頸脊，最討我歡心。為照顧不吃牛的朋友，也來一份豚肉吧！呢份由豬肉捲製而成的花花，輕輕拖幾拖，有肉香又不會嚡烚烚，也好。大家胃口唔錯， 一於叫埋海鮮拼盤。蟶子爽脆鮮甜，扇貝夠大隻，象拔蚌積素無庸置疑，但最有驚喜係蝦滑，味道濃郁又彈牙。呢度既餃當然係自家包製，口味都別出心裁，如泡菜野菌餃，坊間既現成餃子無辦法可以媲美。松茸野菌福袋好足料，吃起來是滿滿的菇菌香，口感亦很讚。我好中意手打丸子，基本上打邊爐叫一碟牛，一份丸
繼續在三十幾度的高溫下享受火鍋樂趣！開恆冷氣，啪罐可樂，咁樣烚下烚下，不知幾爽皮！又再揀Canton Pot，都係貪佢有房，食得更自在。
六條友，可以開兩個鍋。一個素既菇菌湯底，另一款係火焰龍蝦膏蟹煲，我毫無疑問會向後者進攻。
再講多些少火焰龍蝦膏蟹煲，看見『火焰』二字，便可知道又是加入玫瑰露所帶出來的視覺享受。
蟹真的多羔，龍蝦肉鮮美，再加上番茄、洋蔥及西芹等等，用料上乘，湯底自然好。
打邊爐最緊要當然係牛，三款牛拼湊出來的『牛一快樂』，像是為我慶祝生日一樣。A5的鹿兒島薩摩和牛，美國及本地牛頸脊都很有質素。以打邊邊來說，個人一直認為牛頸脊是最合適的。事實上，帶點咬口，肉味濃香的本地頸脊，最討我歡心。
為照顧不吃牛的朋友，也來一份豚肉吧！呢份由豬肉捲製而成的花花，輕輕拖幾拖，有肉香又不會嚡烚烚，也好。
大家胃口唔錯， 一於叫埋海鮮拼盤。蟶子爽脆鮮甜，扇貝夠大隻，象拔蚌積素無庸置疑，但最有驚喜係蝦滑，味道濃郁又彈牙。
呢度既餃當然係自家包製，口味都別出心裁，如泡菜野菌餃，坊間既現成餃子無辦法可以媲美。
松茸野菌福袋好足料，吃起來是滿滿的菇菌香，口感亦很讚。
我好中意手打丸子，基本上打邊爐叫一碟牛，一份丸子，我已經可以好滿足，呢度既出品自然唔會令人失望。
響聆其實真的不用三秒，燙一秘已經可以享用，配些少酸酸甜甜既汁醬，合心意。
臨尾，點都要食啲菜。咁多海鮮既湯底，再加埋啲肉香，渌個菜都寧舍甜，呢度仲有我大愛既花生芽，開心。
無食公仔麵，改吃三色麵，當中的牛肝菌麵又爽又香，我超欣賞。
张贴
