日日涮 (已結業)

天寒地凍，打邊爐是常識吧﹗經過創興呢間日日涮，有得任食牛肉，身為食肉獸嘅honey梗係唔會放過啦﹗我哋揀咗澳洲和牛，落單後好快送上海鮮拼盤同埋刺身。海鮮拼盤有龍蝦、奄仔蟹、鮑魚、扇貝、大蝦、花甲、青口，鮑魚係新鮮到會爬去隔離痴住龍蝦，證明真係好新鮮﹗淥過後鮑魚同龍蝦都好彈牙鮮甜，奄仔蟹有膏，蟹肉都好甜架﹗另外，刺身當中最鍾意就係甜蝦，又大隻，超級甜！澳洲和牛肉質好嫩，看似好多肥膏，但其實一d都唔肥，仲有入口即溶嘅感覺。仲有滑嫩嘅雞腿肉、黑毛豬豚肉，都好好味！食完一輪之後就出去攞野食喇，好多款丸、菜、菇類、前菜，最特別係有出前一丁同辛辣麵！最吸晴係好大個雪櫃，應有盡有，連半支裝嘅解茶都有，真係未見過！順帶一提，我哋係一人一爐，我揀咗魚仔蕃茄湯，湯底越煲越濃，蕃茄味重，唔經唔覺就飲咗一大碗！