云手工火鍋店

营业中

休息中

嚟到見到差唔多台台都係要佢哋嘅火焰鍋，我哋都唔執輸呀，揀咗佢哋嘅火焰沙白蟹鍋，新鮮沙白同埋原隻活海蟹加埋勁多芫茜同埋香芹爆炒🔥 火光熊熊真係勁有氣氛！之後再配合自家製魚湯，勁出色嘅海鮮味！真係要飲頭啖湯先再打邊爐~（我哋仲加埋粟米同埋冬瓜片一齊滾湯，更清清甜滋補❤️）水晶滑牛 食嘅時候混合埋隻雞蛋，肉嫩夠滑口煮得耐咗都唔會韌~手打鹹蛋黃蝦丸 彈牙嘅蝦丸同埋鹹香仲有少少流心 feel 嘅鹹蛋黃，好夾嘅味道~自家製炸魚皮 金黃酥脆，而且仲有好多炸蒜，唔用嚟浸湯就咁食都得~雞三角軟骨配啤酒 - 打邊爐一定要飲啤酒嘅，見佢哋有串燒仲有雞三角軟骨忍唔住叫咗串嚟食~又嫩又脆，酥酥嘅口感食到停唔到口~