一茶詞 (已結業)

近日行街，經過太子一間台式飲品店，咁岩又口渴，一於買左兩杯黎試下。-火焰焦糖珍珠鮮奶 $32 面層有一層焦糖糖衣，為呢杯野增添左種脆脆既口感。將層糖衣吉穿再撈埋啲鮮奶後，成杯野飲落好香焦糖味，感覺好驚喜好特別😍可惜啲珍珠口感麻麻，唔太煙韌而且偏硬，同埋飲到一半開始覺得有啲過甜同埋膩🤔整體味道還好，如果有興趣試而且可以既話，建議兩個人飲一杯應該會好啲-黑糖珍珠鮮奶 $29呢杯真係唔太建議🤣鮮奶正正常常，無咩特別，但珍珠無黑糖味之外，同上面所講既一樣都係偏硬唔彈牙，係唔好食既珍珠!-✨建議少冰/無冰，因為正常冰量都幾多下，去到後尾變到好淡。