德國餐廳 (寶怡花園)

营业中

休息中

火焰德國鹹豬手 $168豬手係德國菜嘅精髓之一，所以今次嚟到一定必點，店員上豬手時，燃點咗火焰，好吸睛，儀式感十足。豬手炸到外層金黃，香脆有肉汁，配上啤酒，啖啖肉嘅豬手加一口啤酒，呢個配搭勁爽。德國超級香腸拼盤$138德國腸仔亦係傳統德國菜必點之一，腸仔拼盤有多達四種唔同嘅香腸，有紅色橙色同埋白色，每種腸仔嘅外皮都非常脆，咬落去入邊會爆汁，配上旁邊嘅茄汁醬，酸酸甜甜，非常開胃。熔岩芝士麵包薯條 $78薯條同埋麵包都好脆口，薯條用上粗，薯味十足，配上熔岩芝士，芝士可以拉絲，味道香濃，令人忍唔住一條接一條，好邪惡。以上為屯門分店價錢，各區分店有別，敬請留意。