相馬日式火鍋 觀塘 (已結業)

火炭有間相馬日式火鍋店✨，呢到打邊爐真係唔錯，因為食物種類繁多又夠新鮮，CP值好高，任食火鍋嚟講價錢都好抵食。湯底方面，呢間嘅選擇都幾多下，最後我哋就揀咗豚骨湯同泡菜湯，兩款湯底都好濃郁，各有特色！打邊爐我最着緊就係食肉，呢到啲肉類嘅質素普遍都幾好！我自己就最推介食雞腿肉同美國牛肩胛！雞腿肉大大嚿，都幾厚肉，呢個部位啲肉特別軟嫩。跟住牛肉方面油花比例啱啱好，打邊爐就至正！朋友就係海鮮控，佢話呢到嘅海鮮都幾多，啲海鮮都幾新鮮，蝦夠大隻又彈牙，青口都冇沙夠鮮甜，整體質素幾唔錯！另外，仲會有小食、炸物同飲品任食，呢個package仲要有120分鐘，性價比都幾高！