影片
更多
2025-07-01
2030 浏览
7月1日香港回歸公眾假期，我哋一家三大一小，由葵涌揸車專登去到火炭嘅悅龍酒樓，目的係想試佢哋聲稱平靚正嘅點心放題。價錢係真係好吸引，但事實證明，呢個價錢背後根本係一個大伏局，浪費時間⏳、心機💔，仲令人嬲到爆😡。經過：一場伏局由等待開始 😤我哋10點半到場，門口大約有十幾個人喺度排緊隊。我哋攞咗飛，估計應該再等兩三枱就到，感覺等耐啲都唔緊要，因為想試下究竟有幾抵。但一等就等咗成個鐘頭！⏰到咗11點半，酒樓嘅知客突然行出嚟，用一個好冷淡嘅語氣同我哋講，話啲貴價點心，例如蝦餃、棉花雞已經賣曬，啲炒粉麵飯就一定有,重叫我哋唔好再等，直接去食中午散叫茶市🍵，仲話如果散叫就有得食。我聽完簡直嬲到火滾🔥，咩意思？即係話啲點心有貨，但唔俾自助餐嘅客食，只係俾散叫客？好明顯係刻意削減成本，逼客人轉單點，呢種做法真係非常唔道德🤥。現場有啲茶客忍唔住，轉咗去散叫；亦有啲嬲到即刻掉頭走人🚶♂️。至於我哋，覺得點都要堅持等，唔可以就咁俾佢哋「趕走」。結果喺十五分鐘之後，佢哋終於安排我哋入座。咁即係話，佢哋根本有位有安排，只係想用啲爛藉口減少自助餐嘅客人🤔。食物質素：至於食物味道，咁嘅價錢都冇乜要求,所以求其點咗
經過：一場伏局由等待開始 😤
我哋10點半到場，門口大約有十幾個人喺度排緊隊。我哋攞咗飛，估計應該再等兩三枱就到，感覺等耐啲都唔緊要，因為想試下究竟有幾抵。但一等就等咗成個鐘頭！⏰
到咗11點半，酒樓嘅知客突然行出嚟，用一個好冷淡嘅語氣同我哋講，話啲貴價點心，例如蝦餃、棉花雞已經賣曬，啲炒粉麵飯就一定有,重叫我哋唔好再等，直接去食中午散叫茶市🍵，仲話如果散叫就有得食。我聽完簡直嬲到火滾🔥，咩意思？即係話啲點心有貨，但唔俾自助餐嘅客食，只係俾散叫客？好明顯係刻意削減成本，逼客人轉單點，呢種做法真係非常唔道德🤥。
現場有啲茶客忍唔住，轉咗去散叫；亦有啲嬲到即刻掉頭走人🚶♂️。至於我哋，覺得點都要堅持等，唔可以就咁俾佢哋「趕走」。結果喺十五分鐘之後，佢哋終於安排我哋入座。咁即係話，佢哋根本有位有安排，只係想用啲爛藉口減少自助餐嘅客人🤔。
食物質素：
至於食物味道，咁嘅價錢都冇乜要求,所以求其點咗十個八個點心,一個炒粉麵就算數,但啲鳳爪就有餿味,啲炒粉麵飯就好似一早炒定曬咁，仲有啲點心用味精落得太重，食完有種口乾嘅感覺🥴。整體上，呢啲嘢食根本就係「factory dim sum」，平但唔靚，正就更加講唔上。
服務態度：敷衍了事 🙄
講真，呢間酒樓嘅服務態度係我見過最敷衍之一。知客同服務員對顧客嘅訴求完全採取一個「唔理你😐」嘅態度，好似覺得你食平嘢就冇資格要求咁。問佢哋點心幾時到，佢哋就含含糊糊講「仲整緊」，但實際上係根本冇打算送上嚟。成個過程俾人感覺係「快啲食完快啲走」🚶♂️。
評論：管理混亂，誠信缺失 ⚠️
悅龍酒樓最大問題係管理同誠信完全崩壞。如果你明知節假日人流多，點心供應有限，係咪應該提早交代清楚⁉️ 點解要等到啲客人等咗成個鐘頭，先話啲貴價點心冇曬？呢種做法，根本係欺騙消費者，為咗減少成本而犧牲顧客體驗，係非常唔負責任嘅行為
张贴