Hugo Cafe (裝修中)

火炭區一向係美食沙漠，最近去駿景廣場Fusion買嘢嘅時候，見到間Cafe裝修幾靚，就決定一試。Hugo Cafe睇落好明亮，白燈黃燈互相配合，燈光明亮中帶點柔和，感覺溫馨中午時間有Lunch Set，有7款選擇，另外有一份餐牌就係單點菜式，選擇多元化，飯，意粉，肉類，薄餅都有提供，今次就叫左紐西蘭肉眼扒配燒汁＆香煎海鱸魚柳配芥末忌廉汁，飲品就點咗熱焦糖咖啡＆凍檸檬茶首先會先上餐湯及麵包，紅菜頭湯口感幼滑，作為前菜嘅麵包多數都凍同唔好食，但呢間Cafe嘅麵包好有驚喜，熱辣辣蒜茸包香味濃郁，餐包鬆軟香甜，同紅菜頭湯好夾，單食同點餐湯麵係系好嘅選擇主菜製作需時，証明係即叫即整，好有誠意。有自己煎過牛扒嘅，都知道牛扒真係好難煎得好食，但呢個牛扒大大塊，外脆內軟，由於牛扒份量十足，建議搭配薯菜，而海鱸魚同芥末忌廉汁同意粉好夾。值得一提嘅係配菜方面都有有心，有脆肉瓜、磨菇、紅蘿蔔等，炒得好好食，唔係平時見開嘅雪藏豆飲品都唔錯，整體來講，真係火炭區難得嘅美食