餐廳有8款前菜，份量十足，泡菜爽脆香甜、魚糕🍥、爽口芽菜、涼涼嘅菠菜、薯仔🥔等
🐠S3鰻魚套餐
鰻魚嚟自韓國，店員會親手喺你面前烹調，更會用火槍燒烤，令鰻魚嘅表皮非常香脆，內裏保持嫩滑
🐄S2牛肉套餐
今次揀咗烤牛肋骨，連骨起肉，切片上枱，燒起嚟好方便😘 肉質鮮嫩，入口即化，點少少醬汁就好好味
每個餐附送兩碗飯🍚同兩杯飲料🥤，仲可以挑選一款湯底，我哋揀咗泡菜豬肉湯同韓式豆醬湯
🌶️韓式豆醬湯微辣香口，韓式味噌味濃郁，搭配蔬菜、豆腐、肉類，呈現出獨特嘅鹹香風味
🫘泡菜豬肉湯結合泡菜嘅酸辣同薄切五花肉嘅鮮味，韓式辣椒醬令湯頭濃郁，滋味十足
同老闆傾咗幾句之後，佢又送紫菜，又送
芝士蒸雞蛋🥚，好好客😆 第一次食芝士蒸雞蛋，唔止有蒸蛋嘅滑，仲有淡淡芝士嘅香，值得一試
