御前上茶 (已結業)

放假最hea的節目莫過於下午茶時間去tea一tea，昨天下午正正沒有野做，所以便約了朋友到這間店下午茶了。之前好多次想去，不過我一直以為這店只售凍飲，所以便沒有去。不過，今日看過餐牌，原來有其他野食的，只不過今日是公衆假期，所以沒有下午茶罷了。我和朋友今日來Tea，想吃甜品啊！抹茶雪糕不可少，仲要食窩夫添。實在太幸福了。。。點了餐不久，我的雪糕窩夫就到了。侍應幫忙將抹茶拿鐵倒在鐵板上，哇！拿鐵即時滾起來，有差不多半分鐘之久，成枱都被弄髒了，噴到周圍都係。都唔明點解個侍應唔叫我地用紙巾擋一擋，好彩沒有弄髒衣服。雪糕好快就溶了，所以我吃得好快。味道不太甜，有抹茶味，好吃。下面的窩夫吸了拿鐵所以淋淋地，有些甜，但係抹茶甜窩夫，幾好味。之後我再叫了芝士肉醬薯條，兩人吃都夠了。薯條很脆，但肉醬有些鹹，芝士粉不夠多。另外，如果每人有隻小碟子食就好喇，因為有醬汁，我地食到周圍都係。But anyway ，下次我會試甜品以外的食物的。