影片
更多
2016-06-04
272 浏览
今晚朋友聚餐，揀咗係銅鑼灣嘅火山燒。呢度用既係火山石黎燒烤，食物唔會咁易燒𤓓，但又保持到入邊嘅水份，啱晒我哋呢啲要求高又鍾意bbq嘅客人，好期待呀。舖面不算大，但係有好幾張卡位大枱，每張枱上面都有一部抽油煙機，唔怕食到成身味，坐得舒服。燈光暗暗地，氣氛唔錯。店員細心解釋爐具嘅用法，旁邊仲有幾種唔同嘅醬油。因為太肚餓，一坐低就叫左啲唔使煮既秋葵冷麵同蒜油拉麵。我食嘅係山秋葵冷麵，好彈牙，好香秋葵味，重有八爪魚粒係入面，一啲都冇偷工減料。因為係放題形式，為食嘅係我哋梗係咩都試下啦！落咗order後嘢食好快就到，全部野都黎齊，分量一啲都冇小到，唔會好似某啲放題餐廳咁，叫極啲嘢食都無影，要讚。咁多嘢食入面，有幾樣要特別一提。其中一樣就係牛肉。餐廳用靚牛，黎嘅時候已經見到好新鮮。可能加上用火山石燒慢燒嘅關係，肉質出奇地嫩滑，肉汁亦冇流失。另外係雞翼，燒雞翼真係好好味，外脆內軟，雞肉好滑，不過雞翼要用多啲時間燒，唔可以一次過食好多隻，有啲可惜。仲有係另外加錢嘅海鮮盛，入面有牛柳粒，大虎蝦，翡翠，鮑魚，好抵！海鮮全部都好新鮮，size仲係XL，一定要試。之後再食疏菜類，有秋葵，翠肉瓜，茄子，豆，蕃茄
今晚朋友聚餐，揀咗係銅鑼灣嘅火山燒。呢度用既係火山石黎燒烤，食物唔會咁易燒𤓓，但又保持到入邊嘅水份，啱晒我哋呢啲要求高又鍾意bbq嘅客人，好期待呀。
舖面不算大，但係有好幾張卡位大枱，每張枱上面都有一部抽油煙機，唔怕食到成身味，坐得舒服。燈光暗暗地，氣氛唔錯。店員細心解釋爐具嘅用法，旁邊仲有幾種唔同嘅醬油。
因為太肚餓，一坐低就叫左啲唔使煮既秋葵冷麵同蒜油拉麵。
我食嘅係山秋葵冷麵，好彈牙，好香秋葵味，重有八爪魚粒係入面，一啲都冇偷工減料。
因為係放題形式，為食嘅係我哋梗係咩都試下啦！落咗order後嘢食好快就到，全部野都黎齊，分量一啲都冇小到，唔會好似某啲放題餐廳咁，叫極啲嘢食都無影，要讚。
咁多嘢食入面，有幾樣要特別一提。其中一樣就係牛肉。餐廳用靚牛，黎嘅時候已經見到好新鮮。可能加上用火山石燒慢燒嘅關係，肉質出奇地嫩滑，肉汁亦冇流失。另外係雞翼，燒雞翼真係好好味，外脆內軟，雞肉好滑，不過雞翼要用多啲時間燒，唔可以一次過食好多隻，有啲可惜。
仲有係另外加錢嘅海鮮盛，入面有牛柳粒，大虎蝦，翡翠，鮑魚，好抵！海鮮全部都好新鮮，size仲係XL，一定要試。
之後再食疏菜類，有秋葵，翠肉瓜，茄子，豆，蕃茄煙肉，京蔥，燒菠蘿等等。燒菠蘿勁好味，少少酸但又夠甜，醒一醒個胃唔洗咁油膩。飲品方面係$20 all you can drink, 除左平時個幾隻汽水外，仲有支裝涼茶烏龍茶，落足本。
最鐘意呢間餐廳可以坐得耐。平時食放題趕到死死下，呢度可以食3個鐘架！一班朋友慢慢食就最啱喇。
张贴
