火山燒 (已結業)

荃灣好多美食，好多都要排隊，今日見呢間唔係好洗排，就試吓先！1)香燒雞扒咖喱蛋包飯：雞扒煎到好香口，肉質都juicy ，唔乾身！甜咖喱配上蛋包飯，屬穩陣選擇！2)泡菜五花腩肉湯烏冬：只係薄薄幾塊肉片，烏冬太軟身欠缺口感，有點名不符實嘅感覺！3)和牛肩胛肉溫泉蛋珍珠飯：肉質香軟，將溫泉蛋拌勻一齊食，好味！每個餐都附有餐湯（忌廉湯或面豉湯）及餐飲，選擇都算多元化，都屬大眾化抵食之選！唯一缺點係餐廳內座位太近太迫！