遇見您

营业中

休息中

今晚睇到超級月亮又食餐飽飯。餐廳名好有意思，裝修係西餐廳格局，有開放式調酒間，祖母綠色梳化同櫈，驚喜主打菜竟然係泰式火山排骨、焗豬扒飯同港式炒飯。讚一讚：火山排骨可以揀大細份。細份有三件骨，三件都超大，其中一件係巨型。調味好岩口味，伴以大量蔥、蒜、芫茜、乾蔥，碟底個汁香又惹味。同埋係唔辣㗎，唔食辣嘅朋友都可以試下火山排骨啦！！肉軟嫩，係骨頭之間用叉輕輕一刮就食到，亦有提供膠手套俾你做手撕庖丁。蕃茄焗豬扒飯香噴噴熱辣辣，面頭佈滿芝士，豬排厚切多汁，飯粒濕度剛好，被鮮茄醬和芝士包裹住，一啖接一啖。牛肋條黑松露蘆筍炒飯，味道同經典港式炒飯一樣有鑊氣，飯底粒粒分明。蘆筍切得好碎，反而係配角；黑松露同牛肋條咸香突出，令成碟炒飯好生色。好飯之友試下，因為呢度啲焗飯同炒飯嘅飯底都係水準之作。