火五越式牛肉粉專門店 (其昌樓)

营业中

休息中

火五喺九龍港島都有分店，今次就嚟到佐敦分店試下 ，價錢夠親民味道又好食，之前食過越南粉都係大大碗，今次決定試下佢個小食拼盤加多個咖哩牛肋油飯，真係食到好飽😆法式咖哩牛肋油香飯咖哩醬汁非常香濃牛肋肉軟腍入味，好香濃牛肉味，咬落幾有口感，配埋油飯真係正， 飯量十足唔夠飽仲可以免費加飯添。招牌小食拼盤呢個拼盤份量真係好多， 擺盤又靚， 小食拼盤包括黃金脆魚皮、青木瓜沙律、炸蝦春捲、香草大蝦、手作大蝦米紙卷、手作扎肉米紙卷。 兩款手作米紙卷都好足料，入面除咗有大蝦同扎肉之外仲有米粉、青瓜絲等等， 黃金魚皮脆口鬆化又有蛋黃味， 仲有炸蝦春捲都好食， 蝦膠好彈牙，外面就脆卜卜😋大熱天時整返杯凍鹹檸雪碧，咸檸已攪碎，啖啖都飲到檸檬肉，超解渴。