影片
更多
2007-12-02
5 浏览
上星期日, 即係2007 年11 月25 日, 我跟幾位舊朋友在尖沙咀聚舊, 不過冇book 定地方, 於是貪方便就選擇呢間星加坡餐廳食dinner. 一入到去, 環境都OK. 註釋: 我對OK 的定義係地方夠大, 唔需要等位, 不過燈光略嫌太昏暗, 即係可以接受, 但有改善空間. 我跟兩位朋友先坐下來, 等多一位朋友到步先一起叫齊4 份dinner set. 第一位serve 我o地o既女侍應生都OK, 至少唔會令我們不滿. 不過, 第二位女侍應生係一位比較...... hmmmmmm, 其實我唔識點形容佢先好, 或者可以用man字來形容呢一位年輕女侍應生, 佢長直髮, 高高瘦瘦, 行路和言行舉止比較粗獷. 佢似乎係有o的脾氣, 望住我o地o既眼神, 令我們感到她對我們有所不滿, 其實我o地都未落完order, 佢由第一分鐘開始, 已經用not so friendly 的目光, 瞪眼望住我o地張四人桌子o既靠窗一角, 因為空間有限, 我o地只係將份menu 放埋一二邊, 但依然係放在當眼處, 呢位女侍應生o既眼神似乎以為我o地想偷偷地收埋佢份menu 咁, 又或者我o地有乜o野得罪佢
一入到去, 環境都OK. 註釋: 我對OK 的定義係地方夠大, 唔需要等位, 不過燈光略嫌太昏暗, 即係可以接受, 但有改善空間.
我跟兩位朋友先坐下來, 等多一位朋友到步先一起叫齊4 份dinner set. 第一位serve 我o地o既女侍應生都OK, 至少唔會令我們不滿.
不過, 第二位女侍應生係一位比較...... hmmmmmm, 其實我唔識點形容佢先好, 或者可以用man字來形容呢一位年輕女侍應生, 佢長直髮, 高高瘦瘦, 行路和言行舉止比較粗獷. 佢似乎係有o的脾氣, 望住我o地o既眼神, 令我們感到她對我們有所不滿, 其實我o地都未落完order, 佢由第一分鐘開始, 已經用not so friendly 的目光, 瞪眼望住我o地張四人桌子o既靠窗一角, 因為空間有限, 我o地只係將份menu 放埋一二邊, 但依然係放在當眼處, 呢位女侍應生o既眼神似乎以為我o地想偷偷地收埋佢份menu 咁, 又或者我o地有乜o野得罪佢, 總之佢o既表情和服務態度, 實在令人莫名其妙......
講番食物水準, 我叫了一份芝士雜菌焗意粉, 平時我最愛食芝士焗意粉, 不過呢碟意粉實在極之難頂, 口感好油膩, 我本來好肚餓, 但係食了1/3 左右已經支持唔住, 我都唔想浪費食物, 但係呢碟意粉味道太差, 我食唔落. 雖然呢碟o野50 幾蚊(未計加一), 唔算係貴, 但係我估假如我去是旦一間類近o既茶餐廳, 都唔會咁難食. 至於我朋友叫o既, 價錢都比我貴, 味道如何不得而知, 不過當晚侍應生的服務質素欠佳, 已經搶盡食物的風頭了. 我不禁想起劉德華的名句: "今時今日, 咁o既服務態度係唔夠嫁!"
食到中途, 那位not so friendly o既女侍應生再行過來, 問我o地想飲o的乜, 不過佢好似遊魂咁, 問問下佢有點呆滯, 我朋友做埋佢o個份, 幫佢搞清楚我o地四杯餐飲要o的乜, 再一次令我o地摸不著頭腦......
評審標準第5 項係乾淨(Cleanliness), 我俾2 分係因為女廁地板有少許濕(但又未至於最差的地步, 以香港o既標準而言, 都勉強可以接受到), 女廁的空間比較窄, 當我關門去toilet 時, 發現門上冇鉤, 我要一手拿著手袋(假如要放手袋在地上, 我會感到嘔心), 一手兼顧其他步驟, 如廁的過程有點狼狽.
幾經艱辛, 終於食完呢餐飯, 係時候要埋單, 以為惡夢已經就此結束, 點知, 原來事情冇想像中咁簡單, 幫我o地埋單o既係一位男侍應生, 佢o既服務態度一樣係not so friendly, 所以我o地四個人一致決定, 1 蚊貼士都唔會俾.
呢餐飯令我和朋友學懂中學時期中文科教師經常掛在咀邊o既四個字: 首尾呼應!
當晚我們食到一肚火, 我碟dinner 仲要超級油膩, 真係"火上加油".
张贴