185
11
10
餐厅: 龍點心 (軒尼詩道)
资讯:

为推动全港减盐减糖新饮食文化及新生活态度,环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」,参与食肆会提供少盐少糖选项予顾客,部份更会提供特定减盐减糖菜式。参与减盐减糖食肆会获发计划标志,以供张贴於店舖内,供顾客识别。详情可在此浏览:https://www.eeb.gov.hk/food/cn/committees/crss/restaurants.html

等级1
3
0
早前喺灣仔大樓辦事有search過附近的食肆,收藏過呢間點心,見食評都幾好,今次臨時起意過黎試一試。夜晚到店鋪門口㩒飛等位,眼見店內其實空間唔大,仲有幾張都係2人坐4人檯,毛毛雨一陣陣都企住等左有15分鐘,除左我哋暫時冇人等位。入到店內坐低自己scan QR落單,等嘢食期間無意聽到店員話有張檯坐左兩粒鐘??門外其實有提示寫住用餐時間60分鐘。心諗,食客喺點心舖度傾閒計唔覺意傾到過晒鐘,2人坐緊4人檯,店內其實有張吉嘅2人檯,店外我哋仲等緊4人檯,咁店員都冇諗過上前提醒一下?明白食肆唔想有趕客行為,但係咪都要考慮下仲有人等緊位?嗌嘅嘢食陸續上黎,都算快。點心實際上睇落冇食評咁吸引,用料足但味道唔出彩,賣相就肯定比茶樓好好多,不過慣左去親食肆都影相打卡嘅家人,今次興致麻麻。提醒我以後openrice嘅食評要認真辯別下,唔係單單指今次)。全程應該係得店員嘅服務態度算好。睇menu心水唔多,淨係嗌左四樣嘢,埋單茶位加一$350起。食嘢過程中檯與檯距離太近,唔小心整污糟隔離台食客件衫,不停道歉先至無起到大爭執,期間無店員上前關心過。之後用餐氣氛相當差,仲要睇住時間交檯。講返食物,喺附近可以一試,
更多
早前喺灣仔大樓辦事有search過附近的食肆,收藏過呢間點心,見食評都幾好,今次臨時起意過黎試一試。夜晚到店鋪門口㩒飛等位,眼見店內其實空間唔大,仲有幾張都係2人坐4人檯,毛毛雨一陣陣都企住等左有15分鐘,除左我哋暫時冇人等位。

入到店內坐低自己scan QR落單,等嘢食期間無意聽到店員話有張檯坐左兩粒鐘??門外其實有提示寫住用餐時間60分鐘。心諗,食客喺點心舖度傾閒計唔覺意傾到過晒鐘,2人坐緊4人檯,店內其實有張吉嘅2人檯,店外我哋仲等緊4人檯,咁店員都冇諗過上前提醒一下?明白食肆唔想有趕客行為,但係咪都要考慮下仲有人等緊位?

嗌嘅嘢食陸續上黎,都算快。點心實際上睇落冇食評咁吸引,用料足但味道唔出彩,賣相就肯定比茶樓好好多,不過慣左去親食肆都影相打卡嘅家人,今次興致麻麻。提醒我以後openrice嘅食評要認真辯別下,唔係單單指今次)。

全程應該係得店員嘅服務態度算好。睇menu心水唔多,淨係嗌左四樣嘢,埋單茶位加一$350起。食嘢過程中檯與檯距離太近,唔小心整污糟隔離台食客件衫,不停道歉先至無起到大爭執,期間無店員上前關心過。之後用餐氣氛相當差,仲要睇住時間交檯。講返食物,喺附近可以一試,但若然唔係食賣相同裝修環境,口味都好睇重嘅話,未必比起其他點心舖有太大驚喜。

(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食