品粵居 (已結業)

今日朋友帶我黎左呢間灣仔既酒樓飲茶，估唔到咁正!金邊品粵蝦餃、XO醬花菇燒賣飲茶一定要食蝦餃燒賣啦~呢度既蝦餃邊邊位有金箔，賣相勁靚，正既係佢唔係虛有其表，連入面既餡都好多，鮮蝦大大隻又彈牙，一客3件叫得過!而燒賣既皮係綠色既好得意，燒賣上面有XO醬好惹味，都好唔錯!西施蟹肉餃一客3件，每件都好飽滿，平時酒樓冇呢樣叫所以叫黎試試，食落蟹肉好多，口感特別又食到鮮味牛油果鮮蝦雪茄之前試過一間酒樓都有雪茄形既春卷，真係好特別!今次呢個用左牛油果同蝦攸餡，食落有香脆、軟滑同彈牙3種口感~值得一試!流沙奶黃BB雞呢個係我最最最驚喜既點心!雞仔樣勁得意~忍唔住係咁同佢SELFIE~一啖咬落去D奶黃仲勁澎湃咁流出黎~忍唔住食左2個~品粵居叉燒包本身唔想叫咁多包，但聽到隔離檯係咁講叉燒包好食，初衫第一啖覺得不外如是，但食多啖發現原來個包皮係如別不同，係好有咬口咁唔似平時叉燒包既質感~唔錯!楊枝甘露最後叫埋甜品食，黎到又嘩一聲，因為個碗好靚好精緻~食落香香甜甜好好味，熱辣辣既天氣可以食到咁冰涼既甜品真係好開心~再加上呢度服務態度又好!唔怪得咁爆場!