福源川香閣

营业中

休息中

今日我同朋友去左灣仔既福源香川閣都食四川菜！鍾意食四川野同辣野既我地對佢非常讚好不絕！干鍋肥腸豬大肥非常肥美同乾淨！而廚師炒得非常惹味，辣味均勻！豬腸入口滑嘟嘟，非常爽滑！乾煽黃鱔雖然好多辣椒睇落好似好辣，但係唔會太辣而食唔到，仲非常好味！黃鱔鮮炒得嫩滑同彈牙，非常好味！干鍋田雞田雞大大隻滑嘟嘟，入口啖啖肉，當然唔少得既係炒得夠辣，非常開胃！乾撈牛肚爽滑既牛肚充滿牛香不得止，上面亦滿辣椒乾醉，令每件牛肚充滿陣陣辣香，咬落去亦非常多汁，一流！