尚上下夏2.8 - 養生雞煲火鍋x冰室 (已結業)

放工做到鬼咁餓，同事提意去食餐好，話係附近間餐廳食過lunch, 知道晚上有主打雞煲+特色火煱，所以就即刻嚟試下😄餐廳位置係譚臣道1-3號長康大廈地舖，灣仔MTR站行過嚟只係幾分鐘，十分方便。餐廳門口有個红色大招牌，好搶眼，室內裝修企理乾淨，地方寬敞坐得舒適。店員人數多而且有禮貌，一早已準備好醬料俾我地揀，有豉油、葱、辣椒、蒜蓉、炸蒜、沙嗲醬同花椒油等，亦介紹左幾個佢地新品餸菜比我地😃雞煲全隻 | $238一打開已經香噴噴，雞肉份量多，真係食雞都食到半飽，本身已經煮熟咗，可以即刻食，我哋叫咗BB辣，辣度可接受。雞肉嫩滑入味，最估唔到佢加入左豬皮，彈牙爽口。煲入面有洋蔥、芹菜等配料，雖然有點鹹，但配飯食就剛好。食完唔好停，加蕃茄湯 | $43 涮火鍋😋萵筍（小）| $30蒿筍新鮮，而佢刨到入芯，所以一啲根都無千頁冰豆腐（小）| $28冰豆腐係片裝切法，加入湯之後吸哂精華，超入味鬼馬墨魚（小）| $38墨魚手打自家製，新鮮彈牙，包著油條一起食，唔係到到有，值得試下蝦膠釀鮮冬菇（小）| $48冬菇厚身，蝦膠夠彈牙，配搭夠特別手切頂級安格斯（小）$198即叫即切，色澤新鮮紅潤，肉身淋、而且係雪