牛霸小麵店 (已結業)

今日同朋友行完山去咗灣仔，可能因為天氣太熱所以大家都想小食當正餐，就決定去搵台灣餐廳坐下食下野🤤叫咗台灣夜市拼盤 ($48) 有台灣腸，鹽酥雞，花枝丸同埋炸豆腐。鹽酥雞同埋花枝丸都幾有驚喜～ 花枝丸夠晒彈牙，而鹽酥雞就炸到外脆內軟麻醬淋青菜 ($28) 生菜都新鮮，但係就同麻醬唔係話太夾，因為麻醬一遇到熱嘅食物就會帶少少酸味。秘制小茄子 ($35) 茄子係即叫即整，熱辣辣好正，加埋秘製醬，咸咸地甜甜地，加埋肉鬆好香好高質👍🏻秘制魚酥皮蛋豆腐 ($38) 呢個汁同秘製小茄子個汁係一樣，帶點甜甜地，幾好味。滑滑既豆腐上面加咗木魚絲，仲有肉鬆，口感好豐富，冰冰地幾開胃😎最後一樣小食就叫咗一樣比較熱氣既甘梅脆薯 ($32) 雖然熱氣但係十分值得試！我覺得小食黎講呢個做得特別出色。番薯係十分之粉同甜🤤 脆到脆一脆之餘，上面灑上甘梅粉味道係好岀色😻紅燒牛三寶牛肉米粉 ($80) 材料幾豐富，而且份量唔少。呢度牛腩好冧，好入味，推介！唯獨是覺得個湯有少少偏鹹，如果清返少少會更加好。飲品都係揀番啲比較消暑清涼嘅凍冬瓜檸檬(+$10) 凍古早冬瓜茶($22)，味道唔錯~