樂景快餐店 (已結業)

手打牛肉芝士漢堡+炸雞髀+波浪粗薯條+熱奶茶 $45呢間茶餐廳都有幾十年歷史喇，牆上貼滿咁多年嚟嘅訪問/報導，不過真係好少位，同埋油煙好勁，我諗多數人都係外賣。餐牌食物多到眼花撩亂，好似係一般茶餐廳嘅double咁。當中最吸引一定係呢個set，一次過滿足幾個（邪惡嘅）願望。我就係喺社交平台見到人哋啲食評，之後就同朋友嚟嘅~全部嘢食都係即叫即整，薯條脆，漢堡牛肉腍，望住街景嘆埋杯奶茶，呢一個茶餐，我會形容係屬於香港嘅味道。最鍾意就係幫襯舊區小店。  樂景快餐店地址：灣仔巴路士街17號地舖