影片
更多
2023-01-12
59 浏览
灣仔裝修特別，一入到去好似係黑白童話書嘅迷宮咁，有少少難分到方向，去搵廁所嘅時候完全搵唔到道門😂餐廳裝修得好友童話書嘅感覺，打卡一流，食物好好食，服務都好細心好有禮貌！完全係撳錯唔嬲呀，就算係平日去啊都幾乎滿座😆超人氣！🍴餐包 菠菜湯 另收加一 (7/10)麵包都幾香脆，有少少似意式麵包，菠菜湯真係非常濃郁嘅菠菜味，佢已經唔似係湯，似係菠菜汁！個人覺得好重鐵質味道。🍴 阿根廷紅蝦刺身配蕃茄沙沙多士 $138 另收加一(7.5/10)多士好香脆，生蝦嘅肉好林都甜，蕃茄他他酸酸地好開胃！🍴士多啤梨焗豬肋排骨 $268 另收加一 (8.5/10)豬肋骨真係好大條，炆到好腍，肉質一咬就好易散開，但同時都有肉嘅彈性，味道比較清香，一啲有輕微嘅士多啤梨酸甜味，感覺係越食越香！薯條係自家製，食落好香脆，一啲都唔油膩，仲要有薯仔嘅香味！🍴慢焗美國安格斯牛胸肋骨 $298 另收加一 (8/10)非常軟腍，牛肉炆到一絲絲，一咬就散，肉嘅肥膏一啲都唔肥，好香口，有肉嘅香味，個汁酸酸地有用到蕃茄紅酒去煮，個底仲有啲蔬菜，吸晒汁好好食！🗻富士芝櫻祭- 丸久小山園抹茶Tiramisu $118 另收加一 (10/
🍴餐包 菠菜湯 另收加一 (7/10)
麵包都幾香脆，有少少似意式麵包，菠菜湯真係非常濃郁嘅菠菜味，佢已經唔似係湯，似係菠菜汁！個人覺得好重鐵質味道。
🍴 阿根廷紅蝦刺身配蕃茄沙沙多士 $138 另收加一(7.5/10)
多士好香脆，生蝦嘅肉好林都甜，蕃茄他他酸酸地好開胃！
🍴士多啤梨焗豬肋排骨 $268 另收加一 (8.5/10)
豬肋骨真係好大條，炆到好腍，肉質一咬就好易散開，但同時都有肉嘅彈性，味道比較清香，一啲有輕微嘅士多啤梨酸甜味，感覺係越食越香！薯條係自家製，食落好香脆，一啲都唔油膩，仲要有薯仔嘅香味！
🍴慢焗美國安格斯牛胸肋骨 $298 另收加一 (8/10)
非常軟腍，牛肉炆到一絲絲，一咬就散，肉嘅肥膏一啲都唔肥，好香口，有肉嘅香味，個汁酸酸地有用到蕃茄紅酒去煮，個底仲有啲蔬菜，吸晒汁好好食！
🗻富士芝櫻祭- 丸久小山園抹茶Tiramisu $118 另收加一 (10/10)
底層小山園抹茶非常香濃，大少少回甘，質感係好圓滑好Creamy ，Mescerpone芝士，芝士味都好香濃，好重奶香同樣都係好細滑好creamy，焙茶手指餅有少少濕潤，沾嘅比例比較少，但都好濃焙茶味！好好食！
🍄嚕嚕米-森の家 $128 另收加一 (10/10)
蘑菇頭外層係白朱古力脆皮，入面士多啤梨幕絲再加海綿蛋糕，白色朱古力脆皮唔會甜，有少少紅梅嘅味道，Musea都好細滑，係士多啤梨味，酸酸甜甜，比較清香，蛋糕好濕潤好軟熟！下面一樣都係朱古力，脆皮加士多啤梨乳酪慕絲再加紅莓醬，紅莓味更加濃，對比蘑菇頭比較酸啲！泥土係朱古力說餅嘅碎，好香濃朱古力味！IA
🍹 STRAWBERRY MOJITO $78 另收加一(9/10)
FRESH MINT, FRESH LIME, STRAWBERRY, RUM, BROWN SUGAR, SODA WATER ，冇諗過咁大杯😂😂真係大杯到差啲飲唔晒！酒味都唔算好濃，有淡淡的士多啤梨嘅清香，唔會好㗎，有少少冧酒嘅味道，清新得來好好飲，好易入口！鍾意酸酸甜甜嘅可以揀呢杯！
🍹PEACH MOJITO$78 另收加一 (9/10)
FRESH MINT, FRESH LIME, PEACH, RUM, BROWN SUGAR, SODA WATER。朋友叫嘅，酒味都唔算好濃，有淡淡的桃嘅清香，有少少薄荷嘅後勁，清新得來幾好飲，好易入口！個人覺得會比較清香啲。
推薦指數: 9/10
無論係食物環境服務都超級高質，絕對係去完一次會再去！好適合朋友聚餐，情侶約會慢慢坐低傾吓計😆特別推薦甜品有心機又好食，嘢飲都好唔錯！
张贴
