影片
更多
2011-03-11
393 浏览
今日去覆診行過，又覺得自己有少少熱氣，就去三不賣飲碗野葛菜水。由細到大我都係o係灣仔生活，小時候放學我會經過呢度，真係唔講笑，大老遠都聞到佢陣香味，有時真係唔夠零用就冇得好講，有錢o個日通訊我都會忍唔住行埋去整返碗。而且總係搵唔到另外一間同佢比（就算係佢自己分店，我都唔會去，我只會o黎呢一間飲）。賣茶個姨姨通常都怕太熱燙親客人，佢會斟暖葛菜水出o黎俾客人；但係我偏偏喜歡飲熱的，因為感覺上見效快，飲完個身暖晒。煲成十個鐘，又足料，加少少鹽，即刻好飲過街邊食飯o個o的餿水。我自己就牙肉腫痛最見效。一碗熱的快快飲完，牙肉有少少痺，之後就唔再痛。可能我個人係熱底吧！我男朋友飲完，朝早起身喉嚨都冇咁多痰，而且有都唔深色。我問過姨姨咩叫三不賣，佢話唔乾淨，唔足料唔賣，唔乾淨唔賣，同火候不夠唔賣。有時我見o的人飲飲o下覺得唔夠鹽又再加，佢都唔會俾個人將支羹放返落個鹽碗度，而係即刻拎去洗，可見一斑。佢o地又都好串o下o既。我試過年三十晚去搶埋最後兩支（真係要同人搶的呀），我一買埋佢已經收檔，而當時只係七點半（當然，依家佢o地就話閂九點半，早十零年，佢o地係收七點的）。當時問佢，你新年放幾耐，佢話成十五
由細到大我都係o係灣仔生活，小時候放學我會經過呢度，真係唔講笑，大老遠都聞到佢陣香味，有時真係唔夠零用就冇得好講，有錢o個日通訊我都會忍唔住行埋去整返碗。而且總係搵唔到另外一間同佢比（就算係佢自己分店，我都唔會去，我只會o黎呢一間飲）。
賣茶個姨姨通常都怕太熱燙親客人，佢會斟暖葛菜水出o黎俾客人；但係我偏偏喜歡飲熱的，因為感覺上見效快，飲完個身暖晒。煲成十個鐘，又足料，加少少鹽，即刻好飲過街邊食飯o個o的餿水。
我自己就牙肉腫痛最見效。一碗熱的快快飲完，牙肉有少少痺，之後就唔再痛。可能我個人係熱底吧！我男朋友飲完，朝早起身喉嚨都冇咁多痰，而且有都唔深色。
我問過姨姨咩叫三不賣，佢話唔乾淨，唔足料唔賣，唔乾淨唔賣，同火候不夠唔賣。有時我見o的人飲飲o下覺得唔夠鹽又再加，佢都唔會俾個人將支羹放返落個鹽碗度，而係即刻拎去洗，可見一斑。
佢o地又都好串o下o既。我試過年三十晚去搶埋最後兩支（真係要同人搶的呀），我一買埋佢已經收檔，而當時只係七點半（當然，依家佢o地就話閂九點半，早十零年，佢o地係收七點的）。當時問佢，你新年放幾耐，佢話成十五定唔知二十先開。唉，好彩買o左兩支o者~~嚇死人咩~~
今日我企o係度飲o左一碗，再買多一支返公司慢慢嘆。
祖業係好難守，不過在我看來佢o地認真對待碗葛菜水o既態度，應該可以繼續多好多代。當灣仔o既舊人舊事一路消失，三不賣就成為o左一個灣仔街坊的集體回憶了..
张贴
