呢間埋藏喺灣仔中間
Lunch menu選擇唔多，不過豐富
包點心、果仁、主食、小食、甜品同飲品
11
▶️ 南瓜百合｜黑糖山藥糕
兩款點心已經好有心機
南瓜百合超甜🎃山藥糕用月餅模整好得意
▶️ 唐揚豆腐.白蘆筍.野菌清湯.迷你梅子蓄麥冷麵($158)
賣相極精緻😍
唐揚豆腐外皮薄脆，內裏嫩滑，仲有椒鹽粉
配料有白蘆筍、野菌、羊肚菌、蟲草花、秋葵🍄🟫口感層次豐富又健康
湯底清而充滿和風味道，梅子麥冷麵點落去即刻索盡湯，同時保持住質感
呢個主食💯
▶️ 素魷魚.素蝦.檸檬忌廉汁貓耳朶粉 ($158)
素魷魚同素蝦口感彈牙，樣貌似模似樣
檸檬忌廉汁比起一般食嘅白汁多咗層酸甜清新味道🍋creamy得嚟唔膩
貓耳朶粉al dente有咬口且掛汁👍🏻
▶️ 醬油漬素帶子 ($38)
三粒巨型「帶子」其實係杏鮑菇
入口juicy爽彈，某程度上幾似帶子
面頭搽上照燒汁，甜甜地
▶️ Spring Latte ($58)
烏龍茶.植脂奶.焦糖.玉蘭花.橙皮
上枱勁香焦糖味🤎
飲落溫和，帶少少香甜
奶味比茶味重，但飲到尾又有少少茶嘅餘韻
非常適合秋冬天飲
▶️ 安逸草本拼配茶 ($68)
草本拼配風味：六堡 松針 杜松子 胡椒薄荷 尤加利
唔想要咖啡因，可以轉GABA茶底，有減壓定神作用🫖
淨係呢杯茶已經睇得出佢哋嘅講究🤌🏻完全係茶藝
▶️ 薄荷漬草莓 ($48)
會唔會太靚🍓成個花環咁
以為普通士多啤梨，味道卻有驚喜
配咗薄荷葉、花瓣、草莓乾等，本身士多啤梨有漬過
除咗士多啤梨香甜外，更有種芳香
稱得上健康又美味嘅飯後甜品❤️
▶️ 全素小蛋糕 ($28)
頂層係青提果凍，中間係奶凍，底層係蛋糕🍰
整體唔甜，但自己覺得口感差少少🤏🏻
底層似用杏仁粉／椰子粉(?)，食落比較粗粒
所以冇海綿蛋糕軟綿，又唔似餅底香脆，有啲唔慣😅
不過睇得出用心製造，賣相加分
▶️ 茉莉菊花雪梨凍 ($22)
呢個夠澎湃，成個荷花池咁🪷
果凍入口清涼，帶微微菊花香
食用完之後覺得有清熱作用
-
超欣賞佢哋每一道菜😍由前菜到主菜到甜品都超級講究
唔講以為食緊fine dining
最鍾意係「唐揚豆腐.白蘆筍.野菌清湯.迷你梅子蓄麥冷麵」✨
「薄荷漬草莓」同latte特飲都值得試
地方work friendly，有wifi，適合帶電腦溫書👩🏻💻
環境舒服，用上簡潔清新嘅裝修，散發文化氣息
呢度定期仲會舉辦workshop/ event，有興趣可以follow佢哋社交平台了解更多
店員好友善有禮貌🥰
價錢衡量埋食物質素同環境唔貴，絕對物有所值！
如果大家係搵cafe溫書做嘢，快啲Save低呢間📌
