影片
更多
2021-04-14
101 浏览
行完會展餓餓地，順路過天橋去莊士敦道食my favourite開飯餐廳之一既Mr.Crab。二人套餐幾吸引兼好多款式，跟一個自選三款海鮮袋，亦可加錢upgrade轉原隻波士頓龍蝦/松葉或阿拉斯加蟹腳，仲有輕食頭盤一份及一個主食，餐飲有兩杯house wine可以淺酌。呢度既招牌海鮮包，用左一個好似魚網既袋將海鮮裝入並以繩紮封袋口，店員先會在席前把手中圓碌碌又漲卜卜既網袋反覆搖晃，有聲更有動感。開袋一刻，清香醬汁跟海洋氣息隨即升起。除左我地自選既海蝦、馬尼拉蜆同小墨魚仔主角之外，仲有原個新薯、豬肉腸粒同甜粟米做配料，份量唔少頗豐富。綁好蟹公仔膠圍巾，就要趁熱動手食。蝦大大隻size幾平均，外殼不單止有光澤又夠橙紅新鮮。頭部帶少許蝦膏，蝦身去殼後肉厚堅挺咬落爽彈又爆汁。體形嬌小略帶柔軟既馬尼拉蜆，味道清新鮮甜，蜆肉呈淡黃色質感細緻滑溜冇雜質。小墨魚仔配搭左呢款醬汁變得有驚喜唔單調，添上一層清香微酸檸檬果香加埋creamy既忌廉，將迷你墨魚仔連汁一口放入輕嚼，味道更覺昇華濃郁，鮮爽脆彈度十足。小鐵桶盛着支支金黃脆香炸薯條，沾上薄薄黑松露吃，一股獨特既幽香菇菌氣息穿梭味覺之中。指尖端起薯條仲係
二人套餐幾吸引兼好多款式，跟一個自選三款海鮮袋，亦可加錢upgrade轉原隻波士頓龍蝦/松葉或阿拉斯加蟹腳，仲有輕食頭盤一份及一個主食，餐飲有兩杯house wine可以淺酌。
呢度既招牌海鮮包，用左一個好似魚網既袋將海鮮裝入並以繩紮封袋口，店員先會在席前把手中圓碌碌又漲卜卜既網袋反覆搖晃，有聲更有動感。
開袋一刻，清香醬汁跟海洋氣息隨即升起。
除左我地自選既海蝦、馬尼拉蜆同小墨魚仔主角之外，仲有原個新薯、豬肉腸粒同甜粟米做配料，份量唔少頗豐富。
綁好蟹公仔膠圍巾，就要趁熱動手食。
蝦大大隻size幾平均，外殼不單止有光澤又夠橙紅新鮮。頭部帶少許蝦膏，蝦身去殼後肉厚堅挺咬落爽彈又爆汁。
體形嬌小略帶柔軟既馬尼拉蜆，味道清新鮮甜，蜆肉呈淡黃色質感細緻滑溜冇雜質。
小墨魚仔配搭左呢款醬汁變得有驚喜唔單調，
添上一層清香微酸檸檬果香加埋creamy既忌廉，將迷你墨魚仔連汁一口放入輕嚼，味道更覺昇華濃郁，鮮爽脆彈度十足。
小鐵桶盛着支支金黃脆香炸薯條，沾上薄薄黑松露吃，一股獨特既幽香菇菌氣息穿梭味覺之中。指尖端起薯條仲係熱騰騰超輕盈，一口接一口卜卜脆真的停不了！
主食既蟹肉蟹膏南瓜意大利燴飯，配上小蟹鉗伸展造型有創意。超綿滑又金黃既南瓜蓉將飯粒緊緻地包裹着，入口嘆到啖啖蟹肉絲之外，鮮甜蟹膏味道更係融入米飯之中，加埋少許青瓜切粒一齊食特別有層次。
张贴
