新泰東南亞餐廳 (已結業)

今日同一班朋友嚟到呢間餐廳食飯補祝我生日。呢間餐廳我唔係第一來，因為平時爸爸媽媽招呼親朋戚友都係會來呢度食泰國菜。我同屋企人鍾意來呢度嘅原因係因為環境舒適，而且食物質素非常穩定，而且每次來食飯啲食物都好夠熱。我最鍾意食呢度嘅咖喱同埋薄餅！啲咖喱好夠味，而且啲薄餅又甜又脆！簡直係絕配！另外，我哋仲叫咗生蝦刺身，不過有少少太辣，同埋份量太少。特別一提，呢度既菠蘿炒飯同埋泰式炒金邊粉都好好味！不過今次無叫到，下次一定要再食！