風雲丸 (已結業)

今晚OT，收工肚餓嘅時候已經係11點。同同事睇下附近有咩食，見到呢間拉麵仲未收，就入左去食。裝潢都幾靚。我點左個沾麵，係辣湯。其實都幾辣，不過幾好味。先講下碗麵，叫左大size同男朋友share，比之前食嘅另一間嘅大size小（如果我無記錯大家都係同重量），啲麵好煙韌。叉燒好似得一舊，有啲少，不過勝左係半肥瘦咁，唔會韌又唔會好肥。個湯係滾嘅（唔知你地見唔見到啲泡），都幾結，不過撈埋個麵食好好食。同事叫嘅拉麵，感覺上覺得沾麵好食啲。最後加左個餃子，餃子比較普通，唔算好特別。整體而言，呢間拉麵都幾好食，要食宵夜或者想食辣拉麵會諗起佢，大家可以一試，都推介嘅，不過要專誠出黎灣仔食就未免太誇張了。