ZECOND

营业中

休息中

今次收工去咗灣仔一間小店，佢哋主打手工意粉，全部都係自家製，講真平時出街食意粉多數都係用現成嘅，但呢間真係幾有心機 。最正一定係海膽醬蟹肉扁麵，意粉個口感好有嚼勁，唔會太硬又唔會太軟，配上濃郁嘅海膽醬同蟹肉，味道層次豐富。醬汁夠香濃但唔會太heavy，仲保留到海膽嘅鮮甜。食主菜前食返個沙律，有三文魚同牛油果，一次補充曬所需營養 。冬蔭公藍青口鍋都幾出色，青口新鮮，冬蔭公有香茅同南薑嘅香，酸辣適中。一邊加熱一邊食，再用麵包索埋個湯汁係唔錯 。甜品方面，咖啡焦糖布甸好滑，焦糖香甜但唔會太膩。蘋果批有一片片嘅果肉，酥皮鬆化 。