日月樓

营业中

休息中

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯ 依家嘅懷舊京菜真係比較少有，難得灣仔船街有間新開餐廳，聽聞大廚有超過40年經驗，體驗一番正宗懷舊80年代菜式！餐廳佔地廣闊，顏色以黃色為主明亮古典有情懷！而且持有數個貴賓室，午市$88蚊，晚市菜式亦都可以選擇細中大！當中必叫菜式之一就係片皮鴨，非常之有水準，油脂均勻皮薄又脆鬆化但係並不油膩，味道香脆可口，加上白糖，麼麼皮亦都好薄又有彈性勁軟糯！高力鳳尾蝦其實有少少似蝦多士，但係係手掌咁大，而且蝦就非常之大隻，外層係高力豆沙嘅口感，非常鬆軟有空氣感，而且有一面係佈滿白芝麻，非常可口，點上酸酸甜甜嘅醬汁，食完一隻都覺得唔夠，係我當晚最鍾意嘅菜式之一啊另外一到我覺得好驚喜又鍾意嘅菜式係乾炒牛肉肉絲，牛肉炒得非常之乾身，食落去係比較脆同埋有少少似好薄嘅牛肉乾，再加上其他配料，味道比較鹹甜，但係加分之處佢哋嘅餅，將牛肉絲放喺餅中，非常香脆！不知不覺已經食咗兩個，外貌平平，就口感同埋味道上都覺得係必點菜式之一啊！山東燒雞特色之處係下層全部都係雞肉而雞皮就係最上面，有時食雞都會覺得有啲位置比較柴而且有啲地方就比較嫩但肥膩，好處就係可以自己控制想要淨