粟米魚肚羹 ~ 呢煲羹一上枱真係嚇一跳，好大煲，夠四個人飲兩轉都仲有剩。羹底稠度適中，唔會太杰亦唔會水汪汪，粟米味算香，但魚肚無乜口感，食落唔太突出。
茄子班腩煲 ~ 個煲仔上枱仲好熱辣辣，茄子煮到好腍，吸晒啲汁，入口夠味，拌飯都算啱，但食多幾舊會覺得油膩。
椒鹽焗排骨 ~ 排骨炸得乾身，咬落去都幾香口。
鹽焗雞 ~ 味道偏淡，鹽焗味唔夠入，雞肉味道一般。
另外再加碟鹹魚雞粒炒飯，份量啱啱好，炒得乾身，粒粒分明。最後每人送一碗糖水 ❤️
「醉瓊樓」有情懷、有氣氛，今次嚟主要係為咗懷舊，感受下舊式酒家嘅風味~~
