1963 木十豆寸

营业中

休息中

一句講晒就係：食物完全唔特別，但環境取勝。與其話啲食物唔特別，可能係因為唔合香港人嘅口味？食物比較清淡，似餐廳相俾我哋食到食物嘅原味道，但又做唔到呢種「台」式淡口味，變咗好普通嘅便當。👉🏻醉雞麵線：大熱天時冷麵線選擇不錯，不過個面本身無汁，就咁配雞好寡👉🏻燻雞茶漬飯： 無乜燻味似普通炸過嘅雞真係無乜特別嘅台式菜😂如果配埋飲品$100咁上下，我唔會再嚟食，試過一次就夠。🫣如果講點解咁高人氣應該就係個環境，懷舊裝飾好一絲不苟，小配件、用嘅家具、燈等等。因為餐廳位於一樓，地下入口位置都比較隱蔽，初頭入去都唔係好sure係咪呢到。不過我諗正正因為咁樣，所以感覺有啲似踏入左第二個空間，返返去60年代。呢間餐廳個名我係永遠記唔住，直到我知道原來木十豆寸，係「樹」咁解，就記到了。至於餐廳名點樣嚟，原來係因為「1963」是唐樓起嘅年份，叫「樹」係因為唐樓側面有棵樹，都幾得意。