我愛慢煮 (已結業)

今日同朋友去左一間以露營風格為主題既餐廳，大量露營設備做裝飾，有露營枱櫈、露營燈、帳篷、天幕、大量綠色植物等，再加上落地大玻璃窗采光效果，彷如置身於大自然。慢煮法國無激素燒春雞：雞皮烤到焦香，薯條熱辣辣。慢煮溫泉蛋卡邦尼意粉：意粉軟硬適中配上溫泉蛋既蛋香味，整體味道香滑濃郁。狂熱辣肉碎薄餅：餅邊烤到微焦，入口香脆可口。忌廉芝士雜莓貝果：忌廉芝士調味，味道好特別，雜莓新鮮，莓味突出。雜莓荔枝慕絲蛋糕：賣相好靚，荔枝味既cake唔係到到食到，味道唔會太甜，幾好食。草莓雪糕梳打：好fresh，入面有好多草莓肉，再配埋草莓味既雪糕，雙重享受。🔎我愛慢煮 HOHO.Patio (灣仔)📍灣仔軒尼詩道314-324號W Square4樓