影片
更多
2018-07-06
187 浏览
係灣仔開會開到9點半，餓到癲！路過見到間泰國菜就衝入去！第一時間睇飲品，食泰國菜梗係要配椰青啦，點知見到椰青沙冰張相，二話不說落order！杯沙冰同張相一模一樣，大大個椰青入面裝滿沙冰，飲落好重椰青味，消暑一流！雖然$55比其他沙冰貴少少，但係就大杯到我食咗成餐飯都飲唔晒，性價比高！之後小食、主茶陸續登場，泰菜must叫嘅蝦餅果然不負眾望，即叫即炸，夠晒熱辣辣，外皮炸得夠脆，必食推介！生蝦夠鮮甜，加埋個好辣嘅辣汁，夠晒刺激！香芒軟殼蟹米紙卷，用有d厚度嘅米紙包實脆卜卜嘅軟殼蟹同芒果肉，咬落層次分明，勁有口感！蒜茸越南牛油雞翼，蒜香味濃，淨係d蒜都可以撈飯食！本身想叫埋麵包焗咖哩軟殼蟹，不過米紙卷已有軟殼蟹，改叫南瓜焗咖哩海鮮。兩條青口插入南瓜咁，好似米奇老鼠，未食先影相呃like~個汁好重南瓜味，杰杰地，食落係甜甜嘅咖哩味，真係想追加個白飯撈嚟食！入面嘅海鮮都好足料，有青口、八爪魚、魚同蝦，抵食又飽肚！朋友叫咗個蟹肉炒粉絲，未食果陣都驚會好油，好彩佢炒得夠乾身，完全唔油，搞到我唔覺唔覺又食咗好多...食飽飽都忍唔住要再叫個甜品拼盆嚟補償OT嘅痛苦。個甜品拼盆靚到爆又好味！呃like必備
之後小食、主茶陸續登場，泰菜must叫嘅蝦餅果然不負眾望，即叫即炸，夠晒熱辣辣，外皮炸得夠脆，必食推介！
生蝦夠鮮甜，加埋個好辣嘅辣汁，夠晒刺激！
香芒軟殼蟹米紙卷，用有d厚度嘅米紙包實脆卜卜嘅軟殼蟹同芒果肉，咬落層次分明，勁有口感！
蒜茸越南牛油雞翼，蒜香味濃，淨係d蒜都可以撈飯食！
本身想叫埋麵包焗咖哩軟殼蟹，不過米紙卷已有軟殼蟹，改叫南瓜焗咖哩海鮮。兩條青口插入南瓜咁，好似米奇老鼠，未食先影相呃like~
個汁好重南瓜味，杰杰地，食落係甜甜嘅咖哩味，真係想追加個白飯撈嚟食！入面嘅海鮮都好足料，有青口、八爪魚、魚同蝦，抵食又飽肚！
朋友叫咗個蟹肉炒粉絲，未食果陣都驚會好油，好彩佢炒得夠乾身，完全唔油，搞到我唔覺唔覺又食咗好多...
食飽飽都忍唔住要再叫個甜品拼盆嚟補償OT嘅痛苦。個甜品拼盆靚到爆又好味！呃like必備！
我最愛嘅泰式甜點始終係佢！個頂充滿幾層厚椰漿！正！
入面d西米係熱㗎！好正呀！
最開心嘅係咁夜食飯，侍應態度仍然非常好！值得一讚！
张贴
